«konstitutsiya islohoti» tegli maqolalar
Bolalar bog‘chada “Konstitutsiya bizniki” deya qichqirishdi. MTV tarbiyalovchilarni ogohlantirdi
Ijtimoiy tarmoqlarda maktabgacha ta’lim muassasalaridan birida tarbiyalanuvchilar Konstitutsiya targ‘ibotiga jalb qilingani aks etgan videoyozuv tarqaldi. Maktabgacha ta’lim agentligi barcha hudud vakillariga ogohlantirish hamda bunday holatlarning oldini olish bo‘yicha tavsiyalar berilganini ma’lum qildi.
Hokimlar kengashga rahbar bo‘la olmaydi, lekin senator etib saylanishi mumkin. Yangi Konstitutsiya loyihasi
2024 yildan Toshkent shahri va viloyatlar hokimlariga kengash raisi lavozimini egallashi taqiqlanishi mumkin. Konstitutsiya loyihasida ularning deputat va senator etib saylanishi taqiqlanmagan. Anchadan beri muhokama qilinayotgan hokimlarni saylash amaliyoti esa loyihada aks etmagan.
Senat Konstitutsiyaviy qonunni va uni referendumga qo‘yishni ma’qulladi
Oliy Majlis Senati Konstitutsiyaviy qonunni va uni umumxalq referendumiga qo‘yishni ma’qulladi. Qonun uch kun ichida matbuot va boshqa OAVlarda e’lon qilinishi kutilmoqda.
Referendum o‘tkazilishiga to‘sqinlik qiluvchi holatlar aniqlanmadi — O‘zbekiston Konstitutsiyaviy sudi
Konstitutsiyaviy sud Konstitutsiyaviy qonun loyihasini referendumga qo‘yishni O‘zbekiston Respublikasi Konstitutsiyasiga muvofiq deb topdi. Qonun loyihasida referendum predmeti bo‘lmaydigan masalalar aniqlanmagan.
Yangi Konstitutsiyadan «xalq ma’naviyati» himoyasi uchun axborot tarqatishni cheklovchi norma chiqarib tashlandi
Jamoatchilik e’tirozidan so‘ng yangi Konstitutsiya loyihasidan «xalq sog‘lig‘i va ma’naviyatini» himoya qilish maqsadida axborotni tarqatish cheklanishi haqidagi norma chiqarib tashlandi. Uning o‘rniga «aholining sog‘lig‘i, ijtimoiy axloq» jumlalari kiritildi. Bunga faollar turlicha munosabat bildirdi.
Bosh qomusga o‘zgartishlar kiritish to‘g‘risidagi qonun loyihasi Konstitutsiyaviy sud tomonidan ko‘rib chiqiladi
Prezident Shavkat Mirziyoyev deputat va senatorlar, Oliy sud rahbariyati bilan uchrashdi. Uchrashuvda Konstitutsiyaga o‘zgartirish va qo‘shimchalar kiritish yuzasidan aholi tomonidan kelib tushgan takliflar yakunlari bo‘yicha maslahatlashuv bo‘lib o‘tdi. Bosh qomus loyihasi Konstitutsion sud tomonidan ko‘rib chiqiladi.
Qonunchilik palatasida Konstitutsiyani o‘zgartirish bo‘yicha loyiha muhokamasi qayta tiklanmoqda
Oliy Majlis Qonunchilik palatasining ikki mas’ul qo‘mitasi bugun Konstitutsiyaga o‘zgartirishlar kiritish to‘g‘risidagi qonun loyihasini muhokama qiladi. Hujjat noyabr oyida qayta ko‘rib chiqish uchun qaytarib yuborilgandi.
YeXHT missiyasi O‘zbekiston referendumini kuzatishning maqsadga muvofiqligini baholaydi
YeXHTning Demokratik institutlar va inson huquqlari bo‘yicha byurosi ekspertlari O‘zbekistonga tashrif buyuradi. Ular Konstitutsiyaga o‘zgartishlar kiritish bo‘yicha referendumga tayyorgarlik bilan tanishib, ovoz berish jarayonini kuzatishning maqsadga muvofiqligi to‘g‘risida qaror qabul qiladi.
Konstitutsiyaviy qonun loyihasi muhokamasi yana uzaytirildi
Qonunchilik palatasi Konstitutsiyaga o‘zgartirishlar kiritishga oid qonun loyihasining umumxalq muhokamasi muddatini 1 avgustga qadar uzaytirish to‘g‘risida qaror qabul qildi. Ommaviy muhokamalar davrida loyiha bo‘yicha 85 mingdan ortiq takliflar kelib tushgani aytilmoqda.
Tergov organini alohida qilish vaqti keldi — Rasul Kusherbayev
Prokuraturada bir vaqtning o‘zida tergov funksiyasi mavjudligi odil sudlovni amalga oshirishga halaqit beradi, degan fikrda Rasul Kusherbayev. Deputat DXX, IIV va prokuraturadan mustaqil bo‘lgan tergov organini tashkil etish vaqti kelgani va buni Konstitutsiyada aks ettirish zarurligini ta’kidladi.
Konstitutsiyada Qoraqalpog‘iston maqomi o‘zgarmaydi va muhokamalar muddati esa uzaytirildi
Qonunchilik palatasi deputatlari Konstitutsiyadagi Qoraqalpog‘istonga oid 70, 71, 72, 74, 75-moddalarni o‘zgarishsiz qoldirish to‘g‘risidagi qarorni qabul qildi. Qolaversa, Konstitutsiyaviy qonun loyihasining umumxalq muhokamasi muddati 15 iyulga qadar uzaytirildi.
Prezident: Konstitutsiyaning 70−75-moddalari o‘zgartirilmaydi
Shavkat Mirziyoyev Nukusda bo‘lib o‘tgan yig‘ilishda Qoraqalpog‘iston aholisining noroziligiga sabab bo‘lgan O‘zbekiston Konstitutsiyasining 70, 71, 72, 74 va 75-moddalarining amaldagi tahrirlari o‘zgarishsiz qoldirilishi kerakligini aytdi.
Konstitutsiyaviy komissiya Qoraqalpog‘istondagi vaziyatni kuzatib boradi va fikrlarni o‘rganadi — komissiya a’zosi
Konstitutsiyaviy komissiya Qoraqalpog‘istondagi vaziyatni diqqat bilan kuzatib, internetda bildirilayotgan fikrlarni tahlil qilib borayotgani ma’lum qilindi. Konstitutsiyaga kiritilayotgan o‘zgartirishlar O‘zbekiston xalqining, jumladan, qoraqalpoqlarning ham orzu-intilishlari ifodasi bo‘lishi ta’kidlandi.
IIV Qoraqalpog‘istonning Nukus shahridagi noqonuniy namoyishlar yuzasidan ma’lumot berdi
IIV 1 iyul kuni Qoraqalpog‘istonning Nukus shahrida ayrim fuqarolar respublikada amalga oshirilayotgan konstitutsion islohotlarni noto‘g‘ri talqin qilib, noqonuniy namoyishlar uyushtirganini ma’lum qildi. Hozirda jamoat tartibi tiklangan.
MSK referendum o‘tkazishga tayyorgarlik ko‘rishni boshlab yubordi
Markaziy saylov komissiyasi Konstitutsiyaviy referendum o‘tkazish jarayonlariga tayyorgarlik ko‘rishni boshlab yubordi. Iyul-avgust oylarida 944 nafar trener 140 mingdan ortiq uchastka-okrug komissiya a’zolarini referendum o‘tkazish qoidalari bo‘yicha o‘qitishi rejalashtirilmoqda.
Davlat va fuqaro o‘rtasidagi nizolar inson foydasiga hal qilinadi
Konstitutsiyani fuqaroning davlat organlari bilan o‘zaro munosabatlarida qonunchilikda yuzaga keladigan, bartaraf etib bo‘lmaydigan barcha qarama-qarshiliklar va noaniqliklar inson foydasiga hal qilishga oid norma bilan to‘ldirish taklif etilmoqda.
Konstitutsiyani o‘zgartirishga oid qonun loyihasi 25 iyun kuni umumxalq muhokamasiga qo‘yiladi
Deputatlar Konstitutsiyaga o‘zgartirishlar kiritishga oid qonunni birinchi o‘qishda qabul qildi. Konstitutsiyaviy komissiya takliflarni Qonunchilik palatasiga kiritgan holda o‘z faoliyatini davom ettiradi. Bosh qonun loyihasi 25 iyundan 4 iyulga qadar umumxalq muhokamasiga qo‘yiladi.
Konstitutsiyani o‘zgartirish bo‘yicha qonun loyihasi bir oydan kamroq vaqt ichida tayyorlandi
Konstitutsiyaviy komissiyaning ilk yig‘ilishidan bir oy ham o‘tmasdan Konstitutsiyani o‘zgartirish bo‘yicha qonun loyihasi tayyorlanib, Qonunchilik palatasiga kiritildi. Ta’kidlanishicha, Bosh qonunning 66 ta moddasiga 170 dan ortiq tuzatish kiritilmoqda. Biroq, loyihaning to‘liq shakli e’lon qilinmadi.
Shavkat Mirziyoyev Konstitutsiyaga qanday o‘zgartirishlarni taklif qildi?
Shavkat Mirziyoyev Konstitutsiyaga o‘zgartirish kiritish bo‘yicha qator takliflarini bildirdi: «O‘zbekistan — ijtimoiy davlat», fuqarolarning (100 ming kishidan kam bo‘lmagan guruhda) qonunchilik takliflarini bildirishi, mahalla maqomini Konstitutsiyada belgilash.
Konstitutsiyani referendum orqali o‘zgartirish taklif etildi
Prezident Konstitutsiyani parlament vakolati bilan emas, balki referendum o‘tkazish yo‘li orqali o‘zgartirishni taklif qildi. «Konstitutsiyaviy islohotni fuqarolarimiz fikri va qo‘llab-quvvatlashi asosida referendum orqali amalga oshirsak, bu — haqiqiy xalq Konstitutsiyasi bo‘ladi», — dedi Shavkat Mirziyoyev.
Eng ko‘p o‘qilgan xabarlar | So‘nggi yangiliklar
- “Muvaffaqiyat jinsga emas, bilim va qobiliyatlarga bog‘liq”. Maktabda o‘qiydigan dasturchi qizlar — loyihalari, orzulari va stereotiplar haqida
- “Bu hecham qahramonlik emas”. Toshkent xalq kutubxonasi xodimlari 1966-yilgi zilziladan so‘ng kitoblarni qanday qutqargani haqida
- O‘zbekistonga pul o‘tkazmalari ko‘paydi, Rossiyaning ulushi esa kamaydi — Markaziy bank
- “Afrosiyob” elektropoyezdlari uchun chiptalar narxi yana oshadi
- O‘zbekiston futbolchilari U-23 Osiyo kubogi yarim finaliga chiqdi (+ video)
Qo‘shimcha imkoniyatlarga ega bulish uchun saytda ro‘yxatdan o‘ting